Plantun de Prouvènço

Pèr coumpara dos planto d'encò nostre

Carex buxbaumii & Artemisia umbelliformis

Queirello(-de-Buxbaum)

Carex buxbaumii

Cyperaceae

Àutri noum : Moutouso, Sagneto.

Nom en français : Laîche de Buxbaum.

Descripcioun :
La queirello-de-Buxbaum trachis dins li sagno moutagnouso e li prado umido. Fai de rizoumo d'ounte parton de fueio verdalo e rede de 2 à 4 mm de larg. L'enflourejado caup de 3 à 6 espigo di dos coulour e drecho, aquelo d'en aut mascle e femèu e la d'en bas emé un pecoui. Lis utriculo fan de 2 à 4,5 mm emé un bè di dos dènt < 0,3 mm. La planto èi marcado sus listo roujo, categourìo EN, en dangié .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour :
Petalo : ges
Ø (o loungour) enflourejado : 1 à 3 cm
Flourido : Printems - Estiéu

Sòu : Ca
Autour basso e auto : 800 à 1700 m
Aparado : Noun
Mai à juliet

Liò : Sagno - Prado
Estànci : Mountagnard
Couroulougi : Bourealo
Ref. sc. : Carex buxbaumii Wahlenb., 1803

Genèpi-blanc

Artemisia umbelliformis

Asteraceae Compositae

Noms en français : Genépi jaune, Genépi blanc.

Descripcioun :
Lou genèpi-blanc se rescontre dins li roucaio e esboudèu d'auto mountagno. Se recounèis à si fuio e si lòngui cambo pelouso de pichòti flour jauno coumpausado. La recordo èi limitado à un centenau de brout (èi deja forço) e fau leissa sus cado planto quàuqui flour pèr que posque faire si grano.

Usanço :
Se saup proun que lou genèpi sèr pèr adouba la liquour dóu meme noum. Ei peréu bon en tisano "pèr lou chaut e frèi" ; pamens la fau pas faire trop forto que "t'achapo lou bàti-couor" (J.-L. Domenge in LMT, op.cit. p. 59). Ajudo à la digestioun, e bon contro lou tussi e li fèbre. Èi peréu vertuous contro li plago e macaduro. "Qu a de genepi' n'a rè besoun de medeci' Ibid.".

Port : Erbo
Taio : 5 à 20 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Artemisia
Famiho : Asteraceae
Famiho classico : Compositae

Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : 2200 à 3000 m
Aparado : Vo
Remarco : Meno aparado
Juliet à avoust

Liò : Roucas - Paret - Roucaio - Esboudèu
Estànci : Subaupen à Aupen
Couroulougi : Ouroufito-Sud-Èst-Éuropo
Ref. sc. : Artemisia umbelliformis Lam., 1783

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex buxbaumii & Artemisia umbelliformis

ges

RRR

Coumpara Queirello(-de-Buxbaum) emé uno autro planto

Coumpara Genèpi-blanc emé uno autro planto